Patatas: a súa calidade e a súa orografía

Patatas: a súa calidade e a súa orografía

patacas Habaneras

As que probablemente sexan as dúas IXPs de patacas de máis sona de España, Pataca de Galicia e Patates de Prades, teñen en común a variedade que amparan, a Kennebec, froito do traballo de selección dun laboratorio norteamericano.

Agora Pataca de Galicia volve os seus ollos ás variedades tradicionais galegas (non deberíamos dicir autóctonas, que non o son) que se cultivaban antes da chegada das sementes selectas, como esa Kennebec que tan ben se asentou en Galicia e que tan boas patatas da… cando se cultiva como debe ser, porque non son o mesmo as patacas de secano que as de regadío, por moi “canabé” que sexan ou moi galega a terra na que se cultivan.

Haberá que agardar o resultado dos estudos que se anuncian, pero por calidade culinaria as patacas tradicionais galegas non teñen nada que envexar á procedente dos laboratorios norteamericanos. Claro que para algúns produtores non so importa a calidade. Tamén a produtividade en toneladas por hectárea, na que seguro que as tradicionais teñen difícil competir coa Kennebec, inda que esta non sexa das variedades máis produtivas do mercado. E non menos importantes son factores como a forma da pataca. A abundancia de ollos e a súa profundidade son un obstáculo segundo cal sexa o uso da pataca.

Pero para quen está interesado na calidade, cociñeiro ou consumidor doméstico, uns ollos máis ou menos profundos non van ser unha dificultade insalvable si, a cambio, a pataca ofrece un plus de calidade, como ofrecen as castes tradicionais.

Non vin pataca de orografía máis complicada que as “habaneras” que unha familia conservou no Valadouro e agora andan xa estradas por boa parte do norte de Galicia. Pero tampouco as comín tan ricas. Mágoa que a variedade, delicada para as xeadas, non estea non planes da IXP.

Origen: Benblog